BUTUAN CITY – Kapin sa 1,300 nga mga gagmay kaayong kuhol nga susama lang sa pea ang sukod ang gibuhian aron musabwag sa hinay kaayong pag-aginod ngadto sa hiit nga Atlantic Island. Ang mga endangered snails, gi-bred pa sa usa ka zoo rason nga duha ka mga species sa Desertas Island land snails ang gibalik ngadto sa kabanikanhan.
Adiser ang pagsabwag kanila, gitu-uhang extinct na ang maong mga kuhol tungod kay wala’y bisan asa sa moang mga species ang nasigpatan sulod na sa usa ka siglo. Dihang nadiskubrehan sa usa ka grupo sa mga conservationists ang gamay nga populasyon sa niini sa batuon nga cliffs sa Deserta Grande island, duol sa Madeira, mihimo gilayon sila og rescue effort.
Ilang gidala ang maong mga kuhol ngadto sa mga zoos sa United Kingdom ug France, ingon man sa Chester Zoo, diin gihimuan sila og kapuy-an pianaagi sa usa ka converted shipping container. Nasayrang inanay nga nawala ang maong mga gagmay’ng kuhol sa Deserta Grande island human gipamalid sa kusog nga hangin, gipangkaon sa mga ilaga ug sa mga kanding nga gipangdala sa mga tawo sa nasangpit nga isla.
Sigon ni Heather Prince gikan sa Chester Zoo, gawas nga pagkaon ang maong mga kuhol sa ubang mga native species, sila usab ang mag-break down sa organic matter ug magdala og nutrients ngadto sa yuta rason nga matabangan nila ang pagtubo sa mga tanom.
