BUTUAN CITY – Gikaminusan ni Vice President Sara Duterte ang narrative nga gipagawas ni Pangulong Ferdinand ’Bongbong’ Marcos Jr. ug sa iyang mga alipores kalabot sa iyang gipadayag nga duna na siya’y tawong gi-contact nga patyon gayod ang pangulo, apil si First Lady Liza Marcos ug House Speaker Martin Romualdez.
Sa iyang press conference sa may Vicente Sotto Memorial Medical Center, gikwestyon ni VP Sara kung nganong wala gi-apil sa kampo sa presidente ang pangutana sa media nga maoy iyang gibasehan sa iyang tubag.
Ang reaksyon matud pa sa Malakanyang pinaagi sa Presidential Communications Office nga nagsunod lang usab sa mando ni Executive Secretary Lucas Bersamin, gibase nila sa iyang pamahayag nga wala na masubay sa logical context niini. Gikwestyon niini kung nganong ang gibasehan sa administrasyong Marcos ang katapusang upat ka mga pulong lang nga iyang entiro nga gipanulti. Naghimo matud pa si Marcos ug ang iyang mga galamay og narative nga gibase nila sa usa ka playbook.
Gikaminusan usab sa besi presidente ang pulong nga assassin nga gipugos pagpasi-atab sa mga tawo sa presidente taliwa nga wala siya migamit niini nga gidugang pa nila og murder plot nga mas naghatag og kalisang sa Pilipinas.
Ang kapaspas matud pa pag-judge sa tawo sa administrasyon taliwa nga wala’y gihimong imbestigasyon ug ang kamubo usab sa panghuna-huna ug pangisip sa presidente ug sa mga anaa sa iyang palibot, iyang gika-ulaw. Timaan matud pa kini sa pataka lang nga birada aron ang administrasyon aron makabalos apan wala’y unod.
