BUTUAN CITY – Gi-andam na sa ginsakpan sa National Bureau of Investigation kon NBI-region XI ang mga kasong ilang ipasaka batuk sa mga opisyal sa Kabus Padatoon kon KAPA Community Ministry International Incorporated og sa tag-iya ingon man mga trabahante sa usa ka local FM radio station sa Brgy. Magsaysay, Digos City.
Kini human ang malampusong entrapment operation nga gilusad pasado ala-1:15 kaganinang hapon nga miresulta sa pagka-aresto sa nagpadagan sa KAPA-Digos Chapter nga mao usa’y tag-iya sa Muews FM station nga si Arvin “Jun Blanco” Malaza.
Si Malaza kasamtangang board member sa lalawigan sa Davao del Sur og ang iyang FM station nga nag-promote sa operasyon sa KAPA nga mapalgan duol lamang sa Digos City Hall.
Apil sa gipusasan si Romeo Lao Go nga maoy on -board atol sa raid ka-uban ang mga IT technicians niining sila Irish Dayanap, Glycel Dalugdog, usa ka Wendy, Ai-Ai, Yukie ug Joyce.
Nakuha sa opisina ang pipila ka mga computers, cellphones ug CCTV camera.
