BUTUAN CITY – Kumpirmadong nagpahigayon og revalidation kaganinang buntag sa ilang mga miyembro ang Kabus Padatoon kon KAPA Community Ministry International Inc. sa may Purok 18, Sitio Bawuno, Brgy. San Vicente ning siyudad sa Butuan.
Kini base sa kaugalingong monitoring nga gihimo sa Bombo Radyo Butuan kondiin usa sa mga miyembrong midalikyat sa maong lugar ang eksklusibiong na-interview sa Bombo reporter human nagpaka-aron ingnong miyembro usab sa maong grupo,
Dinhi nasayran nga tumong sa revalidation nga subling malista ang pangalan sa mga investors nga wala pa naka-pay out human gipahunong ni Pangulong Rodrigo Duterte ang ilang operasyon niadtong Hunyo a-10 ngayong taon.
Sigon sa wala magpa-ilang ginang, na-revalidate na ang pangalan nilang magti-ayon aron maka-pay out human nga wala ma-uli kanila ang na-invest nga 20-mil pesos alang unta sa ilang house repair.
Apan gipadayag usab ni PCaptain Emmerson Alipit, tigpamaba sa Butuan City Police Office, ila pang gipanubayan ang maong operasyon ilabina nga nasayran nilang laing pangalan matud pa ang gigamit sa maong investment scam.
