BUTUAN CITY – Gikatakdang makagawas na gikan sa pagka-hospital arrest gikan sa MJ Santos Hospital ang kanhi Forex investment scam operator nga si kanhi Nasipit, Agusan del Norte Vice Mayor Ronald ‘Pusoy; Timogan.
Sa eksklusibong interview sa Bombo Radyo Butuan, ni Nasipit Municipal Chief of Police Major Edgar Allan Serquiña.
Sa eksklusibong pakighinabi sa Bombo Radyo Butuan, gipadayag ni PMajor Serquiña nga sugod ning adlawa, ang taga-Butuan City Jail na ang mukostudiya kang Timogan human gi-aprubahan sa korte kagahapong adlawa ang ilang hangyo.
Ang pagdawat nila og commitment order gikan sa korte ang ilang basehan sa pag-turn over na kang Timogan aron ang taga-Butuan City Jail na ang mag-detail og mga pulis aron magbantay kaniya sa ospital.
Mahinumdumang nadala sa ospital si Timogan niadtong gabii sa Septembre 28 dihang gi-aresto siya sa iyang pinuy-anan sa Brgy. 3 sakop sa maong lungsod.
Kini base na usab sa alias warrant of arrest nga gi-isyu sa korte kaniya subay na sa kasong syndicated large scale estafa nga iyang gi-atubang tungod sa pagdawat og dagkong investment gikan sa iyang mga na-recruit apan wala’y nabalik kanila.
