BUTUAN CITY – Ningsaad ang kanhi Senadora nga si Leila de Lima nga bayaran matud pa sa kanhi Presidente sa Pilipinas Rodrigo Duterte ang gihimo niini sa mga katawhang Pilipino nga nabiktima sa Extrajudicial Killings niini dihang siya pa ang Presidente sa Nasod.
Sumala sa kanhi Senadora nga usa siya sa mga nabiktima sa Presidente sa peke nga war on drugs niini.
Kahinumduman nga nahimong gawasnon na ang kanhi Senadora sa tanang tulo ka mga kaso niini nga gipasaka batok kaniya sa Department of Justice niadtung tuig 2017 human gibasura na sa Muntinlupa Regional Trial Court (RTC)-Branch 206 ang katapusang drug case niini.
Kini human gitugutan sa hukmanan ang kampo sa kanhing mambabalaod sa ilang hangyo nga ipalingkawas na si De Lima pinaagi sa demurrer to evidence, o ang ilahang claim nga huyang matud pa ang mga ebidensya sa kaso batok kaniya.
Unang naghaon ang kampo ni De Lima og 52 kapalid nga mosyon kung diin ilang gipangayo sa Muntinlupa Regional Trial Court (RTC)-Branch 206 nga ipalingkawas kini gikan sa maong mga kaso tungod kay wala matud pa mapamatud-i sa prosecution nga sad-an ang kanhi Senadora.
