-- ADVERTISEMENT --
BUTUAN CITY – Dakong kawad-on dili lang sa lungsod sa Remedios T. Romualdez kon RTR, Agusan del Norte ug kasikbit nga siyudad sa Cabadbaran kondili apil na sa tibuok lalawigan ang pagtaliwan na ni kanhi RTR Mayor Ernie Ceniza.
Sa eksklusibong pakighinabi sa Bombo Radyo Butuan, gipadayag ni kanhi Agusan del Norte provincial board member Loreto Maragañas nga puno sa abilidad ang kanhi mayor kinsa nahimo pang planning officer ug mayor sa Cabadbaran City rason nga usa siya sa mga duna’y natampo sa kalambuan sa maong siyudad ug sa RTR.
Wala matud pa’y ikasaway ang mga tawong naka-uban sa kanhi mayor tungod sa kamaayo niining tawo dungan sa pagklaro nga dili CCOVID-19 ang iyang gikamatyan.
