BUTUAN CITY – Gi-andam na ang kasong ipasaka batuk sa mga suspetsadong nasikop sa anti-drug operation kagahapon sa buntag sa may Barangay Camayahan ning siyudad sa Butuan.
Sigon ni P/ Chief Insp. Ephraim Detuya, Hepe sa Butuan City Police Station-4, gi-isyu nila ang search warrant sa subject nga si Roger Filones, residente sa maong dapit ug lakip sa na-aktuhang ka-potsession niini si Avenswel Dy, kanhe miyembro sa Philippine National Police ug 2 pa ka babayeng minor de-edad.
Nasayrang ang nasangpit nga mga suspek, kanhe nang nadakpan sa usa ka illegal drugs operation, apan kini naka-piyansa.
Nakumpiska usab sa maong operasyon ang gitoohang shabu nga mitimbang ug .524 gramos diin dunay market value nga 6-mil 183 pesos.
Tungod sa maong kalampusan, mapasalamaton ang opisyal sa mga sibilyan nga padayung mitabang sa kapulisan aron masumpo ang ginadili nga binuhatan. (Rolan Janea)
