BUTUAN CITY – Nagtuo si Manila 6th District Rep. Bienvenido Abante nga liable si kanhi Presidente Rodrigo Duterte sa crimes against humanity. Sumala ni Abante nga kinahanglang manubag ang kanhi Presidente sa nahitabong grabi nga kamatay atul sa kautngdanan niini isip Presidente.
Sigon niini nga mahimong kasuhan ang kanhi Presidente sa paglapas sa Republic Act No. 9851 kon ang Philippine Act on Crimes Against International Humanitarian Law, Genocide, and other Crimes Against Humanity.
Sayrang subay sa Section 10 sa RA 9851, nalatid ang prinsipyo sa command responsibility diin ang opisyal maoy manubag sa mga dili maayong binuhatan sa iyang mga kawani. Matud ni Abante nga anaa ilalum sa crime against humanity base sa RA 9851 nakalatid ang kalapasan sa pagpatay sa mga kriminal.
Dugang pa ni Abante nga mahimo usab gamiton sa international criminal court ang mga pamahayag ni Duterte sa Senado diin siya nanumpa nga mosulti sa tinuod.
Ang pamahayag ni Manila 6th District Rep. Bienvenido Abante.
Kahinumduman nga atul sa sa Senate Blue Ribbon Committee hearing ning nakalabayng adlaw, gi-ako ni Duterte ang responsibilidad sa mga aksyon sa kapulisan kalabot sa iyang war on drugs niadtung siya pa ang Presidente, diin gibana-bana nga mokabat sa 12-mil ngadto sa 30-mil ka mga Filipino ang nangamatay tungod sa extrajudicial killings.
Ang pamahayag ni Duterte atul sa Senate Hearing ning nakalabayng adlaw.
