BUTUAN CITY – Gipakita ni Senadora Risa Hontiveros ang hulagway ni kanhi Philippine National Police (PNP) chief Benjamin Acorda ka-uban ang pipila ka mga gitu-uhang Philippine Offshore Gaming Operators kon POGO players. Atol sa usa sa mga final Senate hearings kalabot sa mga POGOs, gipakita ni Hontiveros ang mga hulagway ni Acorda nga mipahiyom uban sa igsuon ni dismissed Bamban, Tarlac Mayor Alice Guo nga si Wesley Guo.
Kuha ang maong hulagway adiser pa nahimong PNP chief si Acorda, dihang siya pa ang regional director sa Police Regional Office – 10 nga nakabase sa Cagayan de Oro City. Nasayrang wanted sa Senado si Wesley tungod sa wala niya pagtambong sa mga POGO hearings.
Makita usab sa maong hulagway si Sual, Pangasinan Mayor Liseldo Calugay kinsa gidudahan sa mga senador nga business partner o kaha hinigugma ni Alic Guo. Samtang sa laing hulagway, makita si Acorda uban kang Yang Jianxin, ang igsoon ni Michael Yang, ang kanhi economic advisor ni kanhi Pangulong Rodridgo Duterte.
Gidetine na si Jianxin sa mga immigration authorities tungod sa iyang pagka- undesirable alien ug mi-angkon siya sa Senate hearing nga usa siya ka Chinese national. Sigon ni Jianxin sa pinulungang Chinese, kansa gi-translate ngadto sa English pinaagi ni interpreter Carolyn Batay, ang maong hulagway dili usa ka meeting kondili pagbisita nila sa hepe sa kapulisan sa Cagayan niadtong tungura.
