BUTUAN CITY – Gusto ni Surigao del Sur Rep. Johnny Pimentel nga i-apil sa rekomendasyon sa House Quad Committee ang pagpasaka og kasong murder batuk nila retired police colonel og kanhi Philippine Charity Sweepstakes Office kon PCSO general manager Royina Garma ingon man National Police Commission kon NAPOLCOM Commissioner retired police colonel Edilberto Leonardo.
Kini human gitudlo sa mga testigo ang tuha nga maoy nagpaluyo matud pa sa pagpatay kang kanhi PCSO board secretary Wesley Barayuga niadtong July 30, 2020.
Sigon ni Pimentel, klaro nga si Garma ang nagpaluyo sa pagpatay nga nahitabo ilawom sa war on drugs apil na ang pagpatay sa tulo ka mga Chinese drug lords nga natanggong sa Davao Penal Colony niadtong 2016. Wala pa’y labot niini ang 198 usab nga gika-ingong gipatay sa Cebu dihang hepe didto si Garma.
Samtang gidapigan usab ni Surigao del Norte Representative Robert Ace Barbers, ang overall chairman sa House Quad Committee ang maong hangyo.
