BUTUAN CITY – Pormal nang gi-imbitar sa House Quad Committee si kanhi Pangulong Rodrigo Duterte nga mutmabong sa ilang sunod nga pagdungog kalabot sa duguong giyera kontra droga atol sa iyang administrasyon.
Base sa sulat nga pinetsahan niadtong Oktubre 18, 2024 ug gipirmahan ni House Quad Committee chairperson Ace Barbers, himuon ang sunod nga pagdungog sa Martes, Oktubre 22, sa 9:00 sa buntag.
Nakalatid sa sulat-imbitasyion ang mga pulong nga;
“The Joint Committee respectfully invites you to attend the said inquiry to provide valuable insights and shed light on the issues under discussion particularly on extra-judicial killings,” nakasaad sa imbitasyon ng komite kay Duterte.
Una nang gibutyag sa kanhi pangulo sa usa ka interview nga dili siya mu-atras ug andam siyang mutambong sa pagdungog sa House quad committee kung imbitahan siya niini.
