-- ADVERTISEMENT --
BUTUAN CITY – Gi-aresto sa mga ginsakupan sa Criminal Investigation and Detection Group kon CIDG-Caraga Region si kanhi Butuan City, Libertad Barangay Captain Menchie Rosario tungod sa kasong pagsupak sa Republic Act No. 3019 kon mas nailang Anti-Graft and Corrupt Practices Act.
Nagsumikad ang kaso nga gipasaka sa nagkwestyon sa gipatukod nga proyekto sa barangay hall ubos sa kadumalahan sa kanhi kapitan.
Nasayran nga una nang giduso ang maong reklamo sa Sangguniang Panlunsod ning syudad sa Butuan apan wala na madesisyuni human nga-abtan sa election period.
Gi-aresto ang kanhi kapitan bandang alas 2 ang takna sa hapon kagahapon ug tugutang temporaryong makagawas kung makapyansa og 90 mil pesos.
