BUTUAN CITY – Andam barugan ni Ampayon, Butuan City acting Kapitan Danilo Maisog ang tahas nga gitunol kaniya sa City Interior and Local Government kon CILG hulip sa gisuspendeng si Kapitan Rodencio Basubas Jr.
Kini human nga gitunol kaniya kaganinang alas-dies sa buntag ni DILG City Director Charissa Guerta ang certification alang sa temporaryong pagtudlo kang first Councilor Danilo Maisog sa maong posisyon base na usab sa rule of succession.
Kini human nga misulod sa barangay hall si kanhi Brgy Kapitan Felix Dennis Gonzaga uban sa mga supporters niini taliwa sa kawala nila’y legal nga katuyuan sa maong barangay.
Gisulay na ning sibyahan nga makuha ang panig sa kanhi kapitan apan wala kini magpagawas sa iyang panig.
Sa eksklusibong pakighinabi sa Bombo Radyo Butuan, gipadayag ni Kapitan Maisog nga gitambagan siya sa DILG nga dili una siya pa-adtuon sa barangay hall aron dili masamok apan naghapon na lang wala gihapon maka-abot ang taga-CILG rason ng siya na ang midalikyat sa maong police station aron ipasira ang barangay office kay gabii na.
Duna na’y mga pulis nga gi-detail sa nasangpit nga barangay hall pagpanguna sa station commander sa Butuan City Police Station 4 apanm hangtud sa pagkutlo niini nga balita, wala gihapon mibiya sa barangay hall ang kanhi kapitan ug iyang mga alipores.
