BUTUAN CITY- Pormal na nga mipasaka sa iyang counter-affidavit sa Department of Justice kon DOJ si kanhi Department of Public Works and Highways kon DPWH Secretary Manuel Bonoan kagahapon Lunes kalabot sa gi-atubang niini nga reklamong plunder.
Sa usa kainterview, gi-kompirma ni Bonoan ang pagsusumite sa iyang tubag sa mga akusasyon. Lakip sa mga respondents sa maong reklamo sila Senator Jinggoy Estrada, ug mga kanhi opisyal sa DPWH nga sila si anhing Undersecretaries Maria Catalina Cabral ug Roberto Bernardo, Regional Director Gerard Opulencia, ug District Engineer Henry Alcantara.
Sumala ni DOJ Spokesperson Atty. Polo Martinez, nga ang kaso mingtambon sa daw acquisition of ill-gotten wealth nga nagkantidad og kapin P50 milyon nga nakuha pinaagi sa mga series of transaksyon. Taliwala sa gi-isa nga Immigration Lookout Bulletin Order, gipadayag ni Bonoan nga plano niining mobalik sa United States. Gi-kumpirma usab niini nga nakapananghid na kini ug gitugotan na usab.
Kahinumdumang mingbiyahe si Bonoan padulong sa US niadtong November 2025 aron ubanan ang asawa niini sa usa ka medical procedure ug mingbalik sa nasud niadtong Enero 18, 2026. Hugot usab nga gi-limod ni Bonoan ang akosasyon nga mingdawat kini og kapin P2 bilyon nga kickbacks gikan sa mga proyekto sa gobyerno.
