BUTUAN CITY – Naproklamar na sa City Board of Canvassers ang mga midaug nga mga kandidato sa Butuan City nga parehong ilawom sa local party nga Team One Butuan.
Giproklamang mayor si kasamtangang Vice Mayor Lawrence Lemuel Fortun ug Vice Mayor si incumbent city councilor Reynante Desiata maoy giproklamang besi-mayor samtang re-elected usab si Congressman Jose Aquino II.
Giproklama na usab ang mga midaug pagka-konsehal nga pulos miyembro sa Team One Butuan nga gilangkuban nila Atty Glenn Carampatana, Ferdinand Nalcot, Atty. Rema Burdeos, Carlo Sanchez, Victor Plaza, Atty Dennis Bacala, Arturo Gado, Clint Dabalos, Dindo Udarbe, Ronaldo Montero, TG Salcedo, ingon man si Marlon Labis.
Kini na ang ika-upat nga higayon nga gihakot sa nasangpit nga partido ang tanang lokal nga posisyon ning dakbayan rason nga gibansagan sila kaniadtong 13-0 winners ug karon 15-0 na.
