BUTUAN CITY – Misurender ngadto sa Philippine Drug Enforcement Agency kon PDEA ang kanhe sundalo ug nagtrabaho isip driver-bodyguard sa usa sa miyembro sa Matugas political clan sa Surigao del Norte diin gibulgar ang iyang partisipasyon ug personal nga kahibalo sa pulitiko nga nalambigit sa illegal drug trafficking sa probinsiya.
Gipirmahan ni Jesusito “Nitoy” Bayang, ang iyang affidavit nga gikuha sa PDEA main office niadtong Biernes, May 10 diin giila ang mga pangalan sa politicians ang nalambigit matud pa sa transaksiyon sa druga sa Surigao del Norte.
Tungod sa iyang personal nga partisioasyon ug halapad nga kahibalo sa illegal drug activities sa Surigao del Norte, gidudahan si Bayang sa mga Matugases og napugos siya sa pagtago-tago human niya nahibalo nga gipangeta na siya sa hired killers.
Lakip sa gitumbok ni Bayang nga nalambigit sa illegal drugs sa Surigao del Norte mao sila Kanhe 1st District Rep. Jose Francisco “Bingo” Matugas; Dapa, Siargao Vice-Mayor Francisco “Jun Jun” Gonzales; Mayor sa Del Carmen nga si Vice Mayor Alfredo “JR” Matugas Coro; kanhe Del Carmen councilor ug Judge nga si Exequiel Degala, iyang igsoon nga Del Carmen councilor Jose Bayang ug iyang mga sako.
Si Bingo Matugas ang anak ni incumbent Surigao del Norte Gov. Sol Matugas ug Surigao del Norte 1st District Rep. Francisco “Lalu” Matugas ug sumala pa ni Bayang nga gisultian niya ang mga ginikanan apan wala man lay gihimu para niini.
Si Bayang, misulod sa Philippine Army niadtong 2000 ug mibiya sa serbisyo sa tuig 2010, mibutyag nga una siyang nagserbisyu isip bodyguard ni Del Carmen town Vice Mayor Alfredo “JR” Matugas Coro ug gibayaran siya ilalom sa ‘job order’ service.
Abli usab ang Bombo Radyo sa pagpasabot sa nalambigit nga indibidwal.
