BUTUAN CITY – Paslak sa karsel ang duha tigpayuhot og illegal nga drugas human ang gikasang buybust operation sa hiniusang pwersa sa mga operatiba sa philippine drug enforcement agency kon PDEA 13 , Butuan City Police Intelligence Unit, Drug Enforcement Unit, ug Butuan City Police Station 1 diin nagkantidad sa P590,000 sa shabu ang nakompiska sa P-3, Kamungay, Barangay Maon sakop ning syudad bandang alas-11: 45 kagahapong adlawa.
Sa pakighinabi ning sibyahan kang Dindo Abellanosa -information officer sa PDEA 13 gipadayag niini nga ang mga suspek nasuta nga mga bag-ong indentify nga mga drug personalities kansa naila nga sila Loriejoy Patagan Deguinio, 28 anyos residente sa nasangpit nga baranay ug Haries Griar, 31 anyos residente sa Purok-3 Barangay Ampayon.
Gidakop ang mga niini human namaligya sa gidudahang shabu ngadto sa usa ka poseur buyer.
Nakuha sa otoridad ang sachets sa gidudahang shabu nga dunay kabugaton nga mo balor sa kapin kon kulang 50 gramo nga dunay gibana-banang market value nga mukabat sa P590,000. Ingon man ang nakumpiska nga P149,000 worth nga boodle money nga tig- P1,000, ug uban pang drug paraphernalia, cellphone , ug usa ka unit sa Isuzu MUX .
GIkustodiya na sa PDEA 13 ang mga nakumpiskang mga butang ug gihikay na ang kasong ipasaka sa paglapas sa Sec. 5 ug 12 sa Article 2, RA 9165 kon Comprehensive Dangerous Drugs Act of 2002 batok sa mga dinakpan.
