BUTUAN CITY -Gihikay na ang tukmang kasong ipasaka batuk sa kanhe miyembro sa Philippine National Police kon PNP og bag-ong tigpayuhot sa ginadiling drugas human kini nasikop sa gisilbi nga duha ka search warrant sa Surigao City ug Agusan del Sur kagahapon sa hapon.
Giila ni Police Brigader GEN GILBERTO DC CRUZ, PRO13 Regional Director ang nadakpan nga si Ritchel C Escañan, 37-anyos, miyembro sa Civil Security Unit, kanhe PNP member ug residente sa Vasquez Street, Barangay Washington, kansa target sa search warrant sa Surigao City.
Sa dihang kini girikisa, nakuha sa otoridad ang sachet nga dunay sulod sa gitoohang shabu, usa ka libo ka pesos nga marked money, cellphone, ug suspected drug money nga miabot sa 2-mil 50 pesos gikan sa iyang bulsa.
Lakip sa nadakpan ang drug dealer nga si Alberto L Tabaranza, 54-anyos gikan sa Purok 6, Barangay Pasta, San Francisco, Agusan Del Sur diin nakuhaan kini og lima ka sachets sa gidudahang shabu nga mitimbang og tres gramos nga nagkantidad og 35-mil 400 pesos, ang illegal drug paraphernalia og 5 ka peraso sa 100.00 pesos bills isip marked money.
Gikustudiya na ang duha ka suspek sa nagkalain-laing police station og nag-atubang sa drug-related charges.
