BUTUAN CITY – Gi-uyonan ni Ramy Barry Mero kanhe presidente sa General Parents-Teachers Association kon GPTA sa Butuan City Division ang komento ni Senador Bam Aquino nga kinahanglang tun-an og maayo ang gisugyot nga pag-usab sa systema sa edukasyon sa Pilipinas ngadto sa trimester.
Sigon ni Mero nga nalipay siya sa dihang nakita ang tinguha sa sugyot nga trimester sa pagtungha sa kabatan-onan isip reporma sa edukasyon.
Apan giklaro ni Mero nga dili sayun ang pag-switch sa tulo ka termino sa edukasyon ilabina kay daghang mga kabag-ohan nang gihimo sa sistema sa edukasyon sa Pilipinas apan wala gihapon nakab-ot ang kalidad nga edukasyon sa kabataan diin gipamatud-an kini sa ubos nga rating sa tibook kalibutan.
Gidayeg usab niini ang tinguha sa gisugyot nga trimester sama nalang sa organisadong pagtoon og mas focus unya ang magtutungha.
Hangyu usab ni Mero sa mga ginikanan nga makisayud sa maong gisugyot nga kabag-ohan aron makita ang kaayuhan nga lantaw alang sa kaayuhan sa pagtungha sa kabataan.
