BUTUAN CITY – Nakaabot na ang chartered flight nga gisakyan ni kanhe Pangulong Rodrigo Duterte sa The Hague Airport sa The Netherlands. Mitugpa ang flight RP-C5219 sa nasangpit nga tugpahanan pasado alas 11:55 sa kagabii, oras sa Pilipinas.
Lauman nga gelayon kining dalhon sa International Criminal Court.
Adiser pa nakatugpa ang eroplanong gisakyan, dunay mensahe nga gipaabot ni Kanhe pangulong Duterte diin gisaysay niini ang kataas sa biyahe apan ok ra gihapon kini rasong walay angayang ikabalaka ang katawhan.
Samtang gibutyag usab sa pangulo nga kini na ang iyang pagtuman sa saad ngadto sa kapulisan og kasundaluhan nga magtrabaho lang sila og siya ang manubag. Kini ang pamatood sa iyang pagprotektar matud pa sa otoridad.
Gi-angkon usab ni Digong nga taas ang proseso sa pagtaral kaniya sa ICC apan gipaneguro niini nga padayon siyang magserbisyo sa nasud Pilipinas og dawaton niya kung kini man ang iyang kapalaran.
Mahinumdumang giaresto sa International Criminal Court ang kanhe pangulo tungod sa crimes against humanity may kalabutan sa iyang anti-drug campaign.
