BUTUAN CITY – Gibutyag ni kanhe Pangulo Rodrigo Roa Duterte nga padulong ngadto sa pagka-diktador’ ang administrasyon ni Pangulong Ferdinand Marcos Jr. Kini ang lakip sa unod sa pamahayag niini sa Cebu Indignation Rally kagahapong adlawa, Sabado.
Sumala sa kanhe pangulo, wala matud pa niya makita nga mokanaog sa iyang posisyon si Pangulong Ferdinand Marcos jr kung matapos na ang iyang termino isip Pangulo sa 2028 nga susama sa kanhe Pangulo nga si Marcos Sr. sa ilalom sa martial law.
Susama matud pa sa iyang amahan, magpatuman usab matud pa og Martial Law si Bongbong Marcos og subling magkagubot ang nasud tungod kay ibawal sa ilalom niini ang eleksyon.
Alayon niini, mihangyu usab ang kanhe pangulo sa mga kapulisan nga mohimo ang mga niini og mga moral nga desisyon ug dili lang basta musunod.
