BUTUAN CITY – Gimanduan na ni Butuan City Police Director P/Sr. Supt. Albert
Magno ang station commander sa Butuan City Police Station 1 nga imbestigahan og maayo ang gika-ingong pagpamusil nga gihimo ni kanhi Nasipit, Agusan del Norte Mayor Roscoe Plaza.
Sa pakighinabi ning sibyahan, gipadayag ni Magno nga gipapangita na niya ang suspek og iya nang gimanduan si station commander Sr. Insp. Paul Paden nga sutaon usab ang record sa armas sa kanhi mayor ilabina nga ubos pa gihapon ang Mindanao sa martial law.
Mahinumdumang midangop ning sibyahan kaganina ang usa ka batan-ong naila lang nga si Dodong kinsa pursigidong mupasaka og kaso tungod sa gibating trauma human matud pa gihuraw og gipabuthansa kanhi mayor kaganinang ala-una sa kaadlawon sa may Marcos Calo St. ning siyudad.
Sigon ni Dodong, misulod sila sa usa ka computer shop aron lang unta magdula apan gipahawa sila sa masuk-anon matud pang si Roscoe kondiin gitawag pa silang mga pobre.
Dako na lang ang ilang kakurat nga dihang migawas na sila sa maong establisamiento, misunod kanila si Roscoe og gipangti-unan sila og kalibre 45 nga pistola dayong pabuto niini hinungdan sa natapsingan sa tuong hawak sa ilang ka-ubanang si Joseph Poliche hinungdan sa pagka-ospital niini. (Beth Ruiz)
