BUTUAN CITY – Hilabihan ang kalipay sa usa ka kanhe boksidor nga taga Malongon, Saranggani Province human nga nagkita sila sa iyang kabanay nga taga Butuan City pinaagi sa tabang sa Bombo Radyo.
Saysay pa ni Joshua Ontik, 59-anyos, gipadalhan siya ug pamasahe sa iyang pag-omangkon nga si April Rose Ontik aron pa-anheon sa Butuan City diin magkita lang sila sa dakong mall ning siyudad.
Apan sukad sa alas 10:00 sa buntag sa dihang naka-abot kini nsa mall, midangat nalang ang kagabhion apan wala gyud sila nagkita sa iyang pag-omangkon.
Tungod kay wala siya katungod sa pinuy-anan niini og walay contact usab sa pag-omangkon, naghulat siya sa mall hangtud nga gitabangan siya sa nagpakabanang lomolopyo diin gihatagan ug pamasahe aron manawagan sa Bombo Radyo.
Human sa maong panawagan, wala ra na-abtan og 30 minutos, nasundo na kini sa iyang pag-omangkon nga taga Baranga Bancasi diay ning dakbayan.
Hilabihan usab ang pagpasalamat dinhe sa sibyahan sa iyang pag-omangkon nga si April Rose.
Sumala pa niini, gipangeta niya ang uyuan didto sa mall apan wala nila kini nakita.
Dinhe siya nag-gool hangtud nga dunay mipahibalo kaniya nga ipakuha ang iyang uyuan dinhe sa sibyahan.
