BUTUAN CITY – Mohatag og 200-mil pesos nga reward money si Surigao City Mayor Estong Matugas sa bisan kinsang makahatag og impormasyon sa mga suspetsado nga mipusil-patay sa kanhe kapitan ug kasamtangang kagawad sa Brgy Balibayon nga si LANIE ESCALANTE TERESO, 61-anyos.
Nahitabo ang pagpamusil kagahapon sa alas 3:40 sa hapon sa may Purok 2, Brgy. Balibayun, Surigao City.
Base sa imbestigasyon sa Surigao City Police Office pinaagi ni Police Lt. Col. Christian Rafols, Samtang nag inusara nga naglingkod si Kagawad Tereso gawas sa ilang panimalay, adunay duha ka wala ma ilhi nga mga suspetsado ang mi himo sa maong kremen, usa ka lalaki ang mi pusil sa biktima nga mi resulta sa kamatayon ni Kagawad Tereso samtang laing lalaki ang nagmaneho sa motorsiklo XRM type nga walay plaka numero.
Human sa pagpamusil gelayon nanibat ang mga suspek padulong sa Taganaan nga direksiyun.
Padayon karun ang makuting imbistigasyon nga gihimo sa hanay sa kapulisan, pag lock down sa mga kadalanan ug pagpatuman sa mas hugot nga checkpoints.
