BUTUAN CITY – Nakakita na kita og mga mananap nga misikat online tungod sa ilang hitsura og kamatu-uran niini ang Instagram napuno na sa mga animal influencers.
Apan didto sa Malaysia, lahi ang usa ka kanding tungod kay siya ang unang naka-abot sa online celebrity status tungod kay mura siya og usa ka Korean pop star kung tan-awon.
Si Ramos, usa ka 11-ka buwan nga billy goat sa Muhammad Livestock Farm in Perak, Malaysia, nag-viral human gi- post sa iyang tag-iya ang iyang mga hulagway sa Facebook page nsa maong farm.
Dinhi na giganahan kaniya ang mga netizens tungod sa iyang blonde nga hairdo og goatee kon gamay nga bangas sa iyang suwang. Gani, pipila sa mga social media users mikumpara sa iyang katisoy ngadto sa K-pop star.
Sigon sa tag-iya ni Ramos nga mao ang 21-anyos nga si Ahmad Fadzir, ganahan matud pa ang maong Kanding pop nga kuhaan og hulagway og mi-pose pa kung duna’y camera nga iyang makita sa iyang atubangan.
Sigon ni Fadzir, duna siya’y kapin sa 20 ka mga Saanen goats apan makitang tisoy si Ramos tungod kay makita man nga mupahiyom kini higayong kuhaan og hulagway.
Hangtud karon, paspas pa gihapon ang pagkuha ni Ramos og social media popularity anga naka-attract na sa mainstream media attention rason nga gidugok na karon ang Muhammad Livestock Farm sa Perak aron kuhaan og hulagway o kaha video ang nasangpit nga gwapong kanding.
