BUTUAN CITY – Kasamtangang anaa sa kustodiya sa Tagbina Municipal Police Station ang usa ka kandidato sa Tagbina, Surigao del Sur.
Sigon ni PSr/Insp. Joy Semine sa tagbina mps, walay gikuptang dokumento ang gihisgutang kandidato nga si Francisco Garay Balakan nga nipapiling Brgy. Kapitan sa Brgy. Lago sakop sa maong lungsod busa na subject kini sa search warrant.
Pinaagi sa gipakanaog nga search warrant gisugid sa operatiba ang panimalay ni Balakan diin didto narekober ang Cal. 45 pistol, usa ka unit sa magazine nga Cal. 45 ug 11 rounds sa live ammunition sa maong armas.
Sigon ni PSrInsp. Semine mukabat sa kantidad 180 mil ang piyansa alang sa temporaryong kagawasan ni Balakan nga kasamtangang nag-atubang sa kasong illegal nga pagkupot sa armas de fuego ug mga bala.
Sa karon gihulat nalang nila ang mamahimong lakang sa kampo ni Balakan diin gikatakda matod pang mubiyahe kini sa Bislig aron mupiyansa alang sa iyang temporaryong kagawasan.
