BUTUAN CITY – Padayon pang gi-imbestigahan sa kapulisan sa Tantangan, South Cotabato aron maila ang mga responsable ug masuta ang motibo sa pagpusil-patay sa usa ka kanhi barangay captain ug vice mayoral candidate alang sa 2025 elections kinsa gisulod sa iyang balay sa Barangay Bukay Pait kagabii.
Gi-ila ni Tantangan Police Chief Pol. Maj. Erika Vallejo ang biktima nga si Jose “Bobot” Osario, 58-anyos, kinsa gitu-uhang gi-atake pasado alas-10:00 kagabii apan napalgan ang iyang patay’ng lawas kaganina pang alas-6:00 sa buntag ug narekober sa crime scene ang unom ka basiyo sa bala sa wala pa masutang kalibre sa armas.
Sigon sa iyang asawang si Elsie Osario, iya pang gitawag ang iyang banapasado alas-12:56 sa kaadlawon dihang iyang namatikdan nga wala kini sa iyang tapad apan wala na niya kini panumbalinga sa pagtuong nag-andam kini sa himuong coffee meeting.
Napalgan na lang sa ilang cook nga nagbuy-od na ang patay’ng lawas ni Osario sa ilang kusina ug hangtud karon, blangko pa ang asawa kung kinsa ang mihimo niini.
