BUTUAN CITY- Minghangyo ang kampo ni kanhi Pangulong Rodrigo Duterte sa International Criminal Court kon ICC nga tanggalon ang tulo ka bag-ong gitudlo nga legal representatives sa mga biktima sa war on drugs tungod sa daw conflict of interest.
Sa 11-ka palid nga mosyon nga gipasaka niadtong Pebrero 11, gi-hangyo sa abugado ni Duterte nga si Nicholas Kaufman sa Pre-Trial Chamber I nga bawi-on ang pagkatudlo nila Joel Butuyan, Gilbert Andres, ug Nicolene Arcaina isip Common Legal Representatives sa mga biktima, tungod aduna matud pay bias ang mga niini.
Sumala sa depensa, nga usa sa mga abogado ang daw mingbatikos sa ilang legal nga estratehiya sa media ug nagpahayag sa nangaging mga panan-aw bahin sa mga akusasyon batok sa kanhi Presidente.
Gihisgutan usab nga si Arcaina kanhi staff lawyer sa CenterLaw Philippines, kung asa dugay nang konektado sila Butuyan ug Andres, diin matud sa depensa posibleng magpadayon sa professional relations kansa supak matud pa sa integridad sa hearing. Gihangyo usab sa kampo nga suspendihon ang access sa mga representative sa mga rekord sa kaso aron malikayan ang posibleng pagkupot sa mga materyales nga posibleng maka-abswelto kang Duterte.
Gisugyot sa depensa nga ang Office of Public Counsel for Victims nalang ang magkupot sa interes sa mga biktima aron malikayan ang paghkalangay sa hearing alang sa confirmation of charges.
