Kampanya sa iligal nga droga karun, mas malampuson kumpara sa war-on-drugs ni Kanhe Pangulong Rodrigo Duterte, sigon ni Local Government Secretary Jonvic Remulla

BUTUAN CITY – Gipanghinambog ni Local Government Secretary Jonvic Remulla nga mas epektibo pa gihapon ang kampanya sa iligal nga droga ni Pangulong Ferdinand Marcos Jr kumpara sa nakalabay nga administrasyon.

Sigon sa kalihim nga daghan ang namatay sa war on drugs niadtong panahon ni kanhe Pangulong Rodrigo Duterte apan wala pa gihapon nahunong ang pagkuyanap sa iligal nga droga.

Samtang karung panahon ni Pangulong Marcos misunod sila sa balaod ug walay bisan unsa nga extrajudicial killings.

Nakabaton usab og halapad nga pag-aresto sa mga anaa sa likod sa iligal nga droga tungod na usab sa pagtinabangay sa kapulisan ug Philippine Drug Enforcement Agency o PDEA.