BUTUAN CITY- Gipa-ambit ni Butuan City Police Office Acting City Director PCol. Restituto Lacano Jr. nga padayon ang Butuan City Police Office kon BCPO sa pag-atubang sa daghang hagit aron maprotektahan ang syudad, diin sa miaging semana nakahimo sila og operasyon batok sa mga wanted persons, illegal gambling, ug pinakadako nga kalampusan sa kampanya kontra illegal drugs.
Sumala pa niini, nga sulod sa usa ka semana, nakumpiska ang kapulisan og 17 grams nga droga kansa nagkantidad og ₱115,600.
Gipasiugda ni Lacano nga magpadayon ang operasyon sa BCPO aron masiguro ang kaluwasan sa kabataan ug komunidad, ug gihangyo usab ang suporta sa publiko pinaagi sa pagreport sa mga kalihokan nga makadaot sa seguridad sa Butuan City.
Gipahibalo usab ni Acting City Director PCol. Lacano Jr. nga sa nahitabo nga shooting incident sa Taligaman, Butuan City, adunay na matud pa silang gi-track nga mga suspek ug daghang ebidensya nga makapahimo sa pag-file og kaso.
Gani sa laing insidente sa pagpamusil, adunay na usab persons of interest ug gikinahanglan nalang nga makuha ang insaktong affidavit sa mga witnesses nga suportado sa tracking devices aron ma-file ang kaso batok sa suspek.
Giklaro usab ni Lacano ang panghitabo sa Limaha nga giingong riot apan giila kini nga isolated incident. Ang gi-involve nga bataan-on balik-balik na matud pa sa prisohan ug bag-o lang nakagawas human magserbisyo sa iyang sentensya, apan daghan na usab kini og atraso
