BUTUAN CITY- Pormal na nga gidawat sa Kamara de Representante ang 2025 National Expenditure Program (NEP) nga nagkantidad og P6.352 trilyon kagahapong adlawa, Hulyo 29, sa pagpangulo ni House Speaker Ferdinand Martin Romualdez.
Alayon niini, gihatagan og gimbug-aton ni House Appropriations Committee Chairman Rep. Zaldy Co ang ka importante sa National Expenditure Program (NEP) nga gisumite sa Department of Budget and Management (DBM) ubos sa pagpangulo ni Secretary Amenah Pangandaman.
Sumala pa sa kongresista nga ang National Expenditure Program (NEP) alang sa sunod tuig dili lang plano sa paggasto, kon dili giya kini aron makab-ot ang Philippine Development Plan 2023-2028. Alayon niini, sa pagsusi sa sugyot nga budget, gikataho ni Co nga ikonsiderar pa usab sa Kongreso ang tubdanan sa maong mga pondo, lakip na usab ang kaandam sa pagpatuman sa mga programa ug proyekto, ingon man ang kapasidad sa mga ahensya sa paggasto sa pundo nga gigahin kanila, ug pagsunod sa mga prayoridad sa paggasto.
Nanawagan usab si Co sa iyang mga kauban nga siguruhon ang transparency, accountability ug responsibility sa panalapi sa kinatibuk-ang paghisgot sa nasudnon nga pondo. Sumala niini nga ang sayo nga pagsumiter sa National Expenditure Program (NEP), timailhan lang sa maampingong paghisgot sa nasodnung pundo nga maoy tubag sa mga importanteng panginahanglanon sa nasod alang sa kalambuan sa Pilipinas.
Samtang, sumala ni Speaker Martin Romualdez, nakapokus matud pa ang maong budget sa kaayohan sa mga indibidwal ug pamilyang Pilipino, pagpauswag sa sektor sa produksiyon aron makamugna og mga dekalidad nga trabaho ug pag-ugmad sa usa ka nasod nga dunay suporta alang sa mga institusyon ug kinaiyahan.
Ang pamahayag ni House Speaker Ferdinand Martin Romualdez.