BUTUAN CITY – Gikondena ni House Speaker Ferdinand Martin Romualdez ang pasidaan sa China nga dakpon ug prisohon nila ang mga langyaw nga magpatrolya sa West Philippine Sea (WPS).
Matod sa lider sa Kamara, nga ang maong pamahayag sa China makapasamot lang sa tensyon ug supak usab sa international law ug mga establisadong polisiya nga gisunod sa Pilipinas ug ubang kanasuran kansa duna usay kabahinang giaangkon sa maong teritoryo.
Sumala sa Kamara nga andam ang Pilipinas nga makig-tigi alang sa atong soberanya ug katungod sa katawhang Pilipino ug niini tugotan ang China nga dakpon ang atong mga kababayan sama sa atong mga mangingisda sa atong kaugalingong Exclusive Economic Zone EEZ.
Kini ang Mensaheng gipadayag ni House Speaker Romualdez human ang South China Morning Post mitaho nga gihatagan sa Chinese Government ang China Coast Guard og gahom sa pagdakop ni bisan kinsa nga mosulod sa gibantayang teritoryo niini apil na ang giilog nga teritoryo sa WPS.
Alayon niini, gipanawagan sa opisyal sa Pilipinas ngadto sa China nga respetuhon ang Arbitral ruling, nga giila usab sa mga nasud sa kalibutan kansa nag desisyon nga ang Pilipinas adunay katungod sa WPS.
