BUTUAN CITY – Gipaningkamutan na sa mga ginikanan ingon man sa tanang mga stakeholders sa Agusan National High School nga masiguro ang kaluwasan sa ilang kabataan.
Sumala sa School’s Parents Teachers Association kon SPTA President Ramy Barry Mero, usa sa ilang gipakusgan karon ang pagmontar og mga CCTV cameras sa eskwelahan isip depensa sa mga untowards nga mga panghitabo. Ang Agusan national High School, usa sa dunay pinakadaghan nga mga estudyante ning dakbayan sa Butuan, nga mu-abot sa kapin 10-mil.
Sumala sa maong opisyal, ila nang gihangyo ang kabarangayan nga nagpalibot sa maong tunghaan nga apilon og suroy sa ilang mga tanod ang eskwelahan adlaw man og gabie.
Gawas niini, naningkamot usab sila nga ma-aprubahan sa kadaghanan ang high tech na nga ID system sa mga bata kondiin dunay madawat nga text ang mga ginikanan kung nakasulod na ba sa klase ang ilang mga anak o wala, ilabi na nga nagkinahanglan kini og dako nga kantidad.
Ang pamahayag ni Ramy Barry Mero, president sa Agusan National High School Parents Teachers Association.
