BUTUAN CITY – Nagmaya karon ang kalibutan sa siyensya human natawo ang kaluha nga bata sa Tennessee, USA gikan sa embryos nga gi-reeze sulod sa kapin 30 ka mga tuig.
Gitu-uhang usa kini ka bag-ong record alang sa pinakadugay gi-freeze nga embryos nga miresulta ngadto sa malampusong pagkahimugso.
Gi-freeze sila sa negative-128 degrees Celsius sa liquid nitrogen niadtong Abril 22, 1992.
Si Rachel Ridgeway, gikan sa Oregon, maoy mihimugso sa kaluha niadtong Oktubre 31 apan karon lang kini gipagawas ug sigon sa amahang si Philip Ridgeway, makalilibog ang maong mga panghitabo.
Ang kaluha nga sila Lydia Ann ug Timothy Ronald Ridgeway, gika-ingong maoy muhimo karon og kasaysayan, base na sa National Embryo Donation Center (NEDC), usa ka private faith-based organization kansa mi-angkong nakatabang na sila og kapin sa 1,200 ka mga batang natawo gikan sa gidonar nga mga embryos.
Ang kaluha nga embryos gimugna alang sa wala gipa-ilang magti-ayon gamit ang IVF kondiin ang lalaki, anaa na sa edad nga 50-anyos ug nagsalig sa 34-anyos nga egg donor.
Gitaguan kini sa usa ka fertility lab sa US west coast hangtud niadtong 2007 apan gi-donate usab kini sa magti-ayon ngadto sa NEDC sa Knoxville, Tennessee alang sa laing magti-ayon.
Gibalhin gilayon kini sa mga embryologists sa partner clinic sa NEDC nga Southeastern Fertility ug gi-perform ang gitawag nga thaw dayong balhin niini ngadto sa uterus sa sayong bahin ning tuiga.
