-- ADVERTISEMENT --
BUTUAN CITY – Hugtanong gikondena ni Pope Leo XIV ang kagubot karon sa ubang parte sa kalibutan dayong panawagan nga ihunong na ang giyera.
Atol kini sa iyang pagpanguna sa misa Palm Sunday of the Lord’s Passion sa St Peter Square sa Vatican. Nakasentro ang mensahe sa Santo Papa sa Semana Santa sa pag-ila kang Hesu Kristo isip hari sa kalinaw.
Giklaro sa pontiff nga gibalibaran sa Diyos ang bisan unsa mang klase sa kagubot dayong butyag nga dili bisan kanus-a dunggon sa Ginoo ang pag-ampo sa mga tawong nagdasig og kagubot.
Gisusama ni Pope Leo ang pasakit ni Hesus sa Krus ngadto sa mga nabiktima sa giyera ning panahuna, duna’y sakit ug ang mga tawong nawad-an og paglaum ug gi-abuso matud pa’y dunggon sa Kahitas-an.
