BUTUAN CITY – Nag-trending karon ang usa ka lalaking taga-Tandag City, Surigao del Sur human nakuhaan og hulagway samtang suot ang kaldero nga maoy iyang gigamit nga helmet ug mi-angkas sa habal-habal aron makalikay sa multa.
Sa eksklusibong interview sa Bombo Radyo Butuan, gipadayag ni Datu Rico Maca – ang Indigenous People Municipal Representative kon IPMR sa lungsod sa San Miguel, Surigao del Sur, pasado alas-12:35 kagahapon sa udto dihang iyang nasundan sa Brgy. Telaje, Tandag City ang maong angkas sa motorsiklo.
Posible matud pang wala’y laing magamit o kaha mahukmang helmet ang maong angkas rason nga kaldero na lang ang gisuot niini nga milusot usab sa traffic enforcer ug sa checkpoint.
Nasayrang hugot nga gipatuman sa Tandag City ang ordinansang nag-regulate sa paggamit sa helmet sa mga motorcycle riders nga mu-adto sa sentro bahin sa maong siyudad.
