BUTUAN CITY – Taliwala pa man sa mga ginagmay nga panghitabo kagahapong adlawa, ingon man sa nahitabong disgrasya sa sam-ang sa Brgy. Bancasi, malinawon og hapsay gihapon sa kinatibuk-an ang pag-obserba sa kalag-kalag sa dakbayan sa Butuan.
Sumala ni ni PLt. Crispulo Alburo, ang tigpamaba sa Butuan City Police Office, dakong pasalamat nila sa mga Butuanon ingon man sa tanang mga ningbisita sa mga sam-ang sa pagsabot ug pagsunod sa sa mga gihikyad nilang polisiya, lakip na sa mga gibawal nga dalhon sulod sa mga niini.
Pagbutyag sa maong opisyal, dyutay nga hagit lamang nila mao ang dagan sa trapiko ilabina sa Chinese Cemetery, kansa napangitaan ra usab og pamaagi sa mga otoridad.
Karong adlawa, i-pull out na ang mga naka-detail nilang personahe sa mga sam-ang ilabina niadtung wala na’y tawo.
