Kalabera sa tawo nadiskubre samtang naghimo og hardin ang pipila ka residente sa Butuan City

BUTUAN CITY – Tumang kakurat ang gibati sa mga residente sa Purok 8, Slaughter, Brgy. Obrero ning siyudad human nakabutan ang usa ka kalabera sa tawo atol sa ilang paghimo og garden sa usa ka bakanteng lote.

Pasado alas-5:30 kagahapon sa hapon dihang nadiskubrehan sa grupo nila Kagawad Raffy Ugdani ang maong kalabera kansa gipa-abot gilayon ni Kagawad Jimmy Besing ngadto sa Butuan City Police Station 2.

Sigon sa imbestigador nga si SPO2 Randy Aro, gisusi na sa mga sakop sa Scene of Crimes and Operatives kon SOCO ang maong kalabera aron ma-ilhan kung babaye ba kini o lalaki og aron masuta ang hinungdan sa iyang kamatayon.