BUTUAN CITY – Nakuha sa mga personahe sa 1303rd Maneuver Company, RMFB13 unit ang kalabera sa gitu-uhang iya sa rebeldeng New People’s Army kon NPA member nga si aalyas Boboy nga biktima sa execution. Nakuha kini sa may Purok 16, Sitio Taijan, Bunawan Brook, Bunawan, Agusan del Sur kagahapong adlawa.
Sumala pa, ang maong kalabera gipanag-iyahan sa kanhi Militia ng Bayan member sa Guerilla Front 14, Northeastern Mindanao Regional Committee nga gituhuang gipatay ug gilubong sa mabaw lang nga yutang gikalot sa wala pa nailang suspetsado.
Gipangunahan ang maong pagkalot ni PCPT Michael Daunotan, officer-in-charge sa 1303rd Mobile Company.
Sumala sa mga nakuhang impormasyon, gusto na matud pa sa biktima nga muhawa sa grupo aron makita niini ang iyang pamilya nga tuig na nining wala makita sukad pag uban niini sa mga rebelde.
Ang maong patayng lawas gihatagan ug disenteng lubong sa Libertad Public Cemetery, sa Brgy. Libertad, sakop sa maong lungsod.
