BUTUAN CITY – Malampuson ang operasyon sa Special Action company sa Philippine National Police -Special action Force kon PNP-SAF kagahapong adlawa sa bukirang parte sa Las Nieves, Agusan Del Norte diin narekober ang mga bomba ug ang kalabera sa gipatay sa mga rebelding New People’s Army kon NPA.
Sa eksklusibong pakighinabi sa Bombo Radyo Butuan, gipadayag ni Police Capt. Katalan Jeff Sugguiyao, commanding Officer sa Special Action company, nga gibulgar sa kanhi rebelde nga si Ka Lids ang nahimutangan sa lima ka mangbuto pa nga mga Improvised Explosive Devices kon IEDs nga gipangtanom sa maong lugar kondiin lakip sa narekober ang 50-metros nga wires og blasting caps.
Sumala ni Police Captain Sugguiyao, sa gilay-ong 200 metros usab gikan sa gikuhaan sa IED, narekober ang kalabera gikan sa gilubngan sa lawas sa gidudahan nilang asset sa militar kinsa brutal nga gipatay sa NPA niadtong 2017.
Sa pagsaysay usab sa nagtudlo nga kanhi rebelde nga si Ka Lids, gibutyag niining gipadakop kanila ang maong biktima nga si alyas Gelo, taga-San Francisco, Agusan Del Sur human gidudahang military asset tungod kay nagpaka-aron-ingnon kining nalisoan sa maayong pangisip og magsunod-sunod sa ilang grupo.
Sa dihang nadesisyunan kining patyon, gitaptapan nila ang mga mata niini og giba-atan ang baba adiser giluba-luba og gilubong.
