BUTUAN CITY – Gikalipay ni Kagawad Edwin Aluag sa Brgy. Baan Km.3 ning siyudad sa Butuan, ang plano sa nasudnong kagamhanan nga himuon nang unom ka tuig ang termino sa mga barangay officials nga kung mariyalisar karong tuiga, nagpasabot lang nga sa Oktubre tuig 2029 pa sila ma-ilisan human unya sa barangay elections.
Sa eksklusibong pakighinabi ning sibyahan, gibutyag ni Kagawad Aluag nga kini matud pa ang nahisgutan atol sa 2024 National Congress sa Liga ng mga Barangay nga ilang gi-apilan ning mi-aging semana.
Sigon sa kagawad, kung mariyalisar kini, mas taas-taas ang ilang pagserbisyo sa ilang mga constituents ug ingon man ang pagpangandam nga ilang himuon alang unya sa sunod nga eleskyon tungod kay bisan og barangay election lang, mugasto gihapon sila og dako.
