BUTUAN CITY – Andam si Barangay Ampayon Kagawad Danilo Maisog nga mopamatood nga walay nahimong sala ang gidakop nga Kapitan Rodencio Basubas Jr kaganinang adlawa.
Sumala pa ni Kagawad Maisog, gi-andam na nila ang tanang dokumento diha sa barangay nga nagpamatood nga limpiyu ang ilang gibuhat og walay nahimong salaod ang kapitan.
Saysay pa sa opisyal nga naghilak nga miadtu sa barangay ang tag-iya sa yuta aron manukot sa bayronon kansa 2 ka tuig nang wala nabayran.
Gikunsulta nila kini sa Commission on Audit kon COA nga nagkumpirma nga ilegal ang gihimong transaksiyon sa nakalabay nga administrasyon.
Tungod kay wala nakatuman ang barangay sa nasabutang balayronon, gipamugos ni Briones nga kuhaon pagbalik ang yuta aron ibaligya sa laing buyer butang nga ilang gipug-ngan tungod kay duna nay mga nagpuyong mga residente niini.
Gihatagan matud pa sila ug ultimatum sa tag-iya nga makahatag og usa ka milyon ka pesos sulod sa 5 ka adlaw kansa ilang nahatag tungod sa paningkamot sa kapitan.
Tungod niini nakadala og halos dos milyones pesos ang tag-iya adiser milarga sa kauluhan alang sa operasyon sa iyang bana.
Apan adiser kini milarga, naghatag kini og otoridad kang Kapitan Basubas nga modawat sa mobayad pa og ipadala ngadto sa tag-iya.
