BUTUAN CITY – Padayon karun ang gihimung koordinasyon sa kapulisan ngadto na sa kasundaluhan human ang nahitabong pagpangambush kagahapon sa alas 5:00 sa hapon sa may Km-13, Barangay Camagong, lungsod sa Nasipit, Agusan Del Norte diin usa ka sundalo ug usa pa ka CAFGU ang patay samtang usa usab ang samaran.
Giila ni P/Sr. Insp. Calvin Placer sa Nasipit Municipal Police Station, ang namatay nga sila Staff Sargent Sahari Jamjahare, usa ka kadre og Totong Sulaygay usa ka CAFGU samtang samaran usab si Erwin Mandahinog, 27-anyos, menyu.
Sumala pa ni P/Sr. Insp. Placer , nakasibilyan ang mga biktima sa dihang miadtu sa Sitio Hinandayan sakop sa maong barangay aron mudula ug basketball isip kalihukan usab sa nagkadool nga kapistahan.
Sa dihang pauli na ang mga biktima ngadto sa patrol base sa may Membahandi sakay sa usa ka Habal-habal, kalit kining gibanhigan pag-abot sa nahitaboan sa tulo ka mga armadong kalalakin-an nga gitoohang miyembro sa New People’s Army kon NPA.
Gelayong na-igo ang sundalo ug Cafgu lakip na ang drayber samtang usa ka CAFGU ang swerteng nakadagan. Gidool pa kini sa suspetsado aron masegurong patay na ang mga niini.
Nadala ang mga niini sa ospital paglabay sa 30 minutos human na-agian sa nakamotor usab nga mga sibilyan apan gideklarang dead-on-arrival ang duruha samtang kritikal karun ang drayber nga CAFGU.
Giklaro usab sa opisyal nga sa maong lugar usab gi-ambush sila Agusan Del Norte Governor Angelika Rosedell Amante Matba pipila ka tuig na ang nakalabay.
Samtang dako ang pagtoo niini nga ang walhong grupo ang nagbuhat sa maong kremin.
