BUTUAN CITY – Mayoriya na sa mga pasahero sa pampublikong sakyanan ning siyudad sa Butuan ang nagsuot og face shield isip pagsunod sa kamanduan sa nasudnong kagamhanan nga ipatuman na kini karong adlawa taliwa nga duna pa’y panagsang wala magsuot niini.
Kini ang personal nga na-obserbahan sa Bombo Radyo Butuan subay sa gihimong monitoring sa mga namasadang multicab nga nagbiyahian sa bisan asang ruta ning siyudad ilabina kadtong mulabay sa quarantine control point sa Brgy. Baan Km 3.
Apan gawas sa mga pasahero, duna usa’y pipila ka mga drivers nga wala pa magsuot og face shield taliwa nga gimando na kanila sa Land Transportation, Franchising and Regulatory Board kon LTFRB nga dili niila pasakyon ang mga pasaherong mupara apan wala’y suot nga face shield.
Apil sa mga nangasapon ning siyudad ang drivers nga sila Ronnel Baylosis nga nagdala og R-7 nga ruta ingon man si Arnel Deliman ng taga-Bawbawan, Brgy. Los Angeles ning siyudad dayong padayag sa ilang managlahing alibi.
Samtang giklaro ni Michiko de Jesus – tigpaamaba sa Butuan City government nga wala pa gi-apil sa executive order ning siyudad ang pagpasuot og face shield sa mga tawong manakay sa pampublikong sakyaan.
Kini tungod kay ila pa usab nga gihulat ang ipagawas nga classification sa Intere-Agency Task Force kon IATF alang sa siyudad.
Alayon niini, ang sundon sa tanan mao una ang memorandum circular nga gikan sa Department of Transportation kon DOTr alang sa mandatory nga pagpasuot na og face shield sa mga pasahero kondiin dinhi sa Butuan, gipatuman na kini sa mga yunit sa DATSCO.
