BUTUAN CITY – Padayon ang gihimong monitoring sa National Disaster Risk Reduction and Management Council (NDRRMC) sa kabaybayunan sa tibuok Pilipinas human nagpagawas og tsunami warning kaganinang alas-10:55 sa buntag tungod sa posibleng hulga nga hatud sa magnitude 8.8 nga linog nga mi-igo sa Kamchatka, Russia.
Gipahimangnoan ang mga residente sa mga probinsya sa Batanes, Cagayan, Isabela, Aurora, Quezon, Camarines Norte, Camarines Sur, Albay, Sorsogon, Catanduanes, Northern Samar, Eastern Samar, Leyte, Southern Leyte, Dinagat Islands, Surigao del Norte, Surigao del Sur, Davao del Norte, Davao Oriental, Davao Occidental, Davao del Sur, ug Davao de Oro nga likayan ang mga baybayon.
Gidasig sa mga otoridad ang mga tawo nga nagpuyo sa daplin sa baybayon nga mubalhin sa mas luwas nga lugar ug dili mu-adto sa dagat hangtod nga tangtangon na ang advisory.
