BUTUAN CITY – Gitutokan sa pagkakarun sa lokal nga panggamhanan sa lungsod sa Surigao ang mga kabataan sa lugar nga ipailawom kini sa mga psychosocial activities imbes na stress ug trauma debriefing kini human nga miigo ang 6.7 magnitude nga linog sa nasangpit nga lungsod lakip na sa mga kasikbit niini nga mga musipalidad ug lalawigan nga miresulta sa pagkaangol ug pagkutlo sa kinabuhi sa pipila ka mga residente sa lugar.
Sa pakighinabi ning sibyahan kang Vice Mayor Alfonso Casura sa lungsod sa Surigao, gibutyag niini nga atol sa pagbisita sa mga kadagkoang opisyal sa Department of Health kon DOH sa lugar, ilang gihisgutan ang mental health lakip na ang psychosocial activites nga pagahimoon sa mga kabataan alang sa pagpagawas sa ilang mga kahadlok nga nasinatian sa nasangpit nga kalamidad.
Pagahimoon matud pa ang nasangpit nga aktibidadis ngadto na sa mga tulunghaan nga pwede pang magamit ingon man ngadto na sa mga brgy. covered court.
Tumong matud pa sa maong pamaagi arun masuta ang mga nag-unang mga panginahanglanon sa mga kabataan o ingon man sitwasyon arun mahatag nila ang sakto nga interbensyon ngadto na kanila.
