BUTUAN CITY – Pabiling luwas ang katawhan sa Surigao City. Kini ang gipaneguro ni Police Lt. Col. Mariano Lukban, Hepe sa Surigao City Police Office human sa natigayong pagpang-padlock sa grupo ni Datu Adlawan kagahapon sa kaadlawon ngadto sa pipila ka mga pamatigayon sa maong siyudad.
Sigon sa opisyal nga isolated case ra kini og dili usab pwedeng kita ang moyukbo ngadto kanila.
Gipa-ambit usab sa hepe nga nagtoo siyang mosunod sa sabot ang maong grupo human sa iyang hangyu nga undangon ang ilang gibuhat tungod kay mihimo paman kini og pagbarikada nga nakabalda sa mga motorista.
Miresponde sila niini og gitangtang ang gibarakada sa maong grupo. Sa karun, gitun-an na sa ilang panig ang pagpasaka sa tanang posibleng kaso nga ipahamtang sa maong grupo sama nalang sa alarm and scandal.
Kini dayung paneguro sa Hepe nga kung utrohon pa nila ang ilang pagpang-padlock, ila na kining pang-arestuhon.
