BUTUAN CITY – Nagtoo si Presidential Sister ug Senadora Imee Marcos nga pakyas na ang impeachment batok kang Vice President Sara Duterte kini human sa pipila ka mga nahitabong delays sa Senate Proceedings, dayon panawagan sa mga Senador nga unahon na lang una ang serbisyo-publiko ug undangon na ang political drama.
Kahibaloang gisibog ni Senate President Chiz Escudero ang pagbasa sa impeachment articles alang sa pagtaral kang Vice President Sara ngadto sa Hunyo 11, kansa una nang gitakda karon untang adlawa, Hunyo 2.
Gikwestyon ni Senadora Imee ang kalangan sa nasangpit nga impeachment effort, dayong butyag nga wala na matud pa kini nitalab.
Samtang, ning-uyon usab niini si Senador Rodante Marcoleta dayong saad sa katawhan sa The Hague, nga magpabilin sa iyang posisyon isip besi-presidente si VP Sara.
Una na usab nga gibatikos ni Outgoing Senate Minority Leader Koko Pimentel ang desisyon ni Senator Chiz, tungod kay unconstitutional matud pa kini ilabina nga nakalatid matud pa sa mando sa Konstitusyon nga sugdan gilayon ang impeachment trial.
