BUTUAN CITY – Subling gibarugan ni Jeffrey Celis, alyas Ka Eric Celis, secretary general sa Sentrong Alyansa ng Mamamayan Para sa Bayan o SAMBAYANAN nga dili kini motambong sa pagdungog sa tri committee sa House of Representatives nga gitakda ang ikaduhang pagdungog karung adlawa.
Sigon ni Celis nga gawas nga wala siya makadawat og pormal nga imbitasyon, dili siya motambong tungod kay nasayud naman siya sa sangpotan sa pagdungog nga ipapriso siya sama sa nahitabo kang Col. Grijaldo nga mag tulo ka buwan nang gipriso. Sumala pa niini nga bisan ug magpagawas pag warrant of arrest ang kongreso dili gihapon siya musurender og paabuton nalang sa Hulyo 1 diin duna nay bag-ong kongreso.
Nabutang usab sa seryoso nga sitwasyon ang korte suprema tungod sa gisang-at sa mga kaubanan niining gipatawag usab sa tri comm nga petisyon. Kini tungod kay kung dili manumbaling ang korte suprema posibleng mosangpot kini sa constitutional crises diin ang kongresa miabuso sa balaod.
Si Jeffrey Celis, alyas Ka Eric Celis, secretary general sa Sentrong Alyansa ng Mamamayan Para sa Bayan o SAMBAYANAN.
